ទម្ងន់ខ្លួនត្រឹមត្រូវ ដែលយើងគួរយល់ដឹង

·         របៀបថ្លឹងទម្ងន់ខ្លួន

          ការថ្លឹងទម្ងន់ ត្រូវជ្រើសរើស​ពេលវេលា​ និងលក្ខខ័ណ្ឌ​សមស្រប​ ទើបយកជា​ការ​បាន​។​គប្បីថ្លឹងទម្ងន់​តែមួយដង​បានហើយក្នុងមួយសប្ដាហ៍​ ការថ្លឹង​មិនមែន​ចេះតែធ្វើឡើងគ្រប់ពេល​រៀងរាល់ថ្ងៃ​ តាមចិត្តចង់ ឫនឹកឃើញ​ឡើយ។​ អ្នកត្រូវថ្លឹង​នៅពេលព្រឹកព្រលឹម​ មិនទាន់​បរិភោគ គ្មានសម្លៀកបំពាក់ ឫស្លៀកសម្លៀកបំពាក់ស្ដើងដដែលៗដោយប្រើប្រាស់ជញ្ជីង​តែ​មួយដដែលៗ។​អ្នកខ្លះ​ទម្លាប់​ថ្លឹង​រៀងរាល់​ថ្ងៃ​ មិនអនុវត្តតាម​គោលការណ៍​ជាក់លាក់ ជាកត្តា​មួយជះឥទ្ធិពល​អាក្រក់ដល់លំនឹង ឫស្ថេរភាពទម្ងន់​ ឫ​ប្រសិទ្ធភាព​នៃការសម្រកទម្ងន់។យ៉ាង​ណាមិញ សម្លៀកបំពាក់ ឫគ្រឿងអលង្ការ​នៅ​លើខ្លួន​ អាចនាំ​ឲ្យទម្ងន់មិនទៀងទាត់​ឡើង​ចុះជាដើម។​ម៉្យាងទៀត​ ពីព្រឹកទល់ល្ងាច​ បន្ទុក ឫវត្តមាន​ជាតិទឹក​នៅច្រាលក្នុងខ្លួន​ ដែលបានមកពីចំនីអាហារ ឫ​ការប្រែប្រួល​នៃ​អ័រម៉ូន​(ជាពិសេស​លើស្រ្ដីភេទ)​ អាចឡើង​ទម្ងន់ដល់ទៅមួយគីឡូក្រាម​ឯណោះ។​ហេតុនេះ ការថ្លឹង​ទម្ងន់​ដែលធ្វើឡើង​មិនមាន​គោលការណ៍​​ច្បាស់លាស់​ អាចប្រាប់​ទម្ងន់​មិន​ពិតដែរ។

·         វិធីវាយតម្លៃ​ទម្ងន់ខ្លួន

នៅពេលយើងឈរថ្លឹងលើជញ្ជីងមួយ តើយើងដឹងទម្ងន់អ្វីខ្លះ?  ទម្ងន់ខ្លួនទាំង​មូលផ្សំឡើងដោយ​ឆ្អឹង សាច់ដុំ ម៉ាសខ្លាញ់​ សរីរាង្គក្រៅ សរីរាង្គក្នុង​ សរសៃប្រសាទ និងជាតិទឹក។ នៅលើខ្លួនមនុស្សប្រុស​មានម៉ាសខ្លាញ់​ជាមធ្យម​ចំនួន​១៥ ទៅ​២០%នៃ​ទម្ងន់ខ្លួន ឯមនុស្សស្រី​មានម៉ាសខ្លាញ់ចំនួន​ពី​១៧ ទៅ ២៣ភាគរយ។​ធាត់ជាការឡើងលើសនៃ​ម៉ាស​ខ្លាញ់​​​នេះ នៅពេលម៉ាសខ្លាញ់ឡើងលើស១០%​ពីតម្លៃភាគរយ​មធ្យម​។ ចុះតើត្រូវធ្វើដូចម្ដេច​ដើម្បី​វាស់​បរិមាណពិត​នៃ​ម៉ាសខ្លាញ់របស់បុគ្គលម្នាក់ៗ? ពិតជាពិបាក​រកចម្លើយណាស់​។​ការវាស់​កម្រាស់​ផ្នត់​ស្បែក​ដោយដែកឈាន​ ឫប្រពាយ​ គឺជាវិធី​មួយក្នុង​ចំនោមវិធីផ្សេងៗ​ ប៉ុន្តែការវាស់​នេះ​នៅតែ​មិនប្រាកដ​ប្រជា​យកជាការបានដដែល។​

ទោះបីជាជញ្ជីងមិនអាច​ថ្លឹង​ម៉ាសខ្លាញ់​ ឫសរីរាង្គមួយបានមែន​ក៏ដោយ​ក៏យើង​អាចវាយតម្លៃ​ការលើស​ជាតិខ្លាញ់​ និងការធាត់​ដោយប្រើរូបមន្ដ​ វិធី ​ឫតារាង​ផ្សេងៗបានខ្លះ​ដែរ។

·    ​ដកស្រង់ចេញពី៖ ១០នាទី ដើម្បីសម្រស់រាងកាយ និងសុខភាពល្អ

ដ  វេជ្ជបណ្ឌិត លី ចេងហ៊ុយ

ដំណើរការសំខាន់ៗដែលត្រូវកត់ត្រាសម្រាប់អាជីវកម្មធុនតូច

   
 ជាធម្មតា មានអាជីវកម្មធុនតូចមួយចំនួន ដែលមានលក្ខណៈគ្រួសារ គឺមិនបានចាប់អារម្មណ៍អំពីការកត់ត្រាសម្រាប់ដំណើរការអាជីវកម្មប្រចាំថ្ងៃរបស់ខ្លួននោះទេ។ ការធ្វើបែបនេះ អាចបណ្ដាលឲ្យអ្នកប្រឈមនឹងភាពលំបាកក្នុងការគ្រប់គ្រងសាច់ប្រាក់(ដូចជាការចំណាយនិងចំណូល) និងមិនអាចមានទស្សនៈវិស័យគ្រប់គ្រាន់ក្នុងការពង្រីកអាជីវកម្មរបស់អ្នកផងដែរ។
 
ដូចនេះអ្នកគួរតែប្រើប្រាស់ យ៉ាងហោចណាស់ដូចជាកម្មវិធី Excel ដើម្បីកត់ត្រាការលក់ដូរប្រចាំថ្ងៃ ឬប្រសិនជាអ្នកមិនចេះប្រើកុំព្យូរទ័រទេ អ្នកអាចប្រើជាសៀវភៅធម្មតា ក្នុងការកត់ត្រា។
ដំណើរការសំខាន់ៗដែលអ្នកត្រូវកត់ត្រានោះមាន៖

១.​ចំណូលលក់ប្រចាំថ្ងៃ
២.​ការចំណាយទូទាត់ផ្សេងៗក្នុងអាជីវកម្ម
៣.បំណុលមានពីរប្រភេទដែលអ្នកគួរកត់ត្រាគឺ
     ៣.១. បំណុលដែលត្រូវទារពីអតិថិជន
     ៣.២.បំណុលដែលត្រូវសង អ្នកលក់ទំនិញ ឬអ្នកផ្គត់ផ្គង់ទំនិញឲ្យអ្នក
   
សូមម្ចាស់អាជីវកម្មធុនតូច គួរតែព្យាយាមកត់ត្រាចំណុចសំខាន់ៗខាងលើនេះ នោះយើងនឹងអាចធានាបានថាក្នុងរយៈពេល១ឆ្នាំ អ្នកនឹងអាចគ្រប់គ្រងអាជីវកម្មរបស់អ្នកបាន ហើយវាក៏ជួយជម្រុញឲ្យអ្នកអាចនឹងមានគំនិតក្នុងការពង្រីកអាជីវកម្មបន្ថែមផងដែរ។
ប្រសិនបើ លោកអ្នកមានចម្ងល់ សូមសរសេរមកកាន់យើងខ្ញុំ (svmteam2022@gmail.com)

ដោយ៖ វឌ្ឍនៈភាព

រ៉ូយាល់ ម៉ាយក្រូហ្វាយនែន ភីអិលសុី

មានដឹងអត់ថា សាំងហ្គាពួរ មាន ការិយាល័យស៊ើបអង្កេតអំពើពុករលួយ (CPIB)?

យោងតាមកាសែត Straight Times របស់ សាំងហ្គាពួរ ចេញថ្ងៃពុធ ទី ៧ ខែមិថុនា ឆ្នាំ២០១៧  នាយករដ្ឋមន្រ្តីសាំងហ្គាពួរ លោក Lee Hsien loong បានមានប្រសាសន៌ថា ប្រជាជនសាំងហ្គាពួរទាំងអស់ មានតួនាទីយ៉ាងសំខាន់ក្នុងការធានាថា  អំពើពុករលួយ នឹងមិនអាចក្លាយទៅជា ទម្លាប់សង្គម បានទេ។

Corrupt Practices Investigation Bureau (Wikipedia)

 ​​ការិយាល័យស៊ើបអង្កេតអំពើពុករលួយ (Corrupt Practices Investigation Bureau) មានទីតាំងនៅផ្លូវ Whitley។ ការិយាល័យស៊ើបអង្កេតអំពើពុករលួយ (CPIB) បានធ្វើការស៊ើបអង្កេតលើករណីពុករលួយចំនួន ១១៨ ករណី កាលពីឆ្នាំទៅ។

ប្រទេសសាំងហ្គាពួរ ត្រូវបានចាត់ថ្នាក់ជា ប្រទេសលំដាប់ទី៧ ដែលមានអំពើពុករលួយតិចជាងគេលើពិភពលោក កាលពីឆ្នាំទៅ បើយោងតាមអង្គការតម្លាភាពអន្តរជាតិ (Transparency International)។​

ដោយ៖ កូនខ្មែរ

ចែករំលែកក្តីស្រឡាញ់ជាមួយ Power+

សាំងហ្គាពួរ ជាប្រទេសបៃតងជាងគេនៅអាស៊ាន

រាល់ពេលដែលខ្ញុំបានជាន់ជើងលើទឹកដីនៃប្រទេសសាំងហ្គាពួរ ខ្ញុំមានអារម្មណ៌ហាក់ដូចជានៅជាប់ជាមួយនឹងធម្មជាតិ បើទោះបីនៅជុំវិញខ្លួនខ្ញុំ ហ៊ុមទៅព័ទ្ធដោយអាគារខ្ពស់ៗនិងបច្ចេកវិទ្យាទំនើបៗក៏ដោយ។
ចាប់ពីព្រលានយន្តហោះអន្តរជាតិ Changi រហូតដល់កណ្តាលទីក្រុង ប្រសិនបើយើងក្រលេកមើលឆ្វេងស្តាំ នោះយើងនឹងឃើញសុទ្ធតែដើមឈើពណ៌បៃតងស្រស់បំព្រង។ អារម្មណ៌ស្និទ្ធស្នាលជាមួយនឹងធម្មជាតិនៅក្នុងទីក្រុងដែលជឿនលឿនបំផុតមួយនេះ កើនទ្វេដង នៅពេលដែលខ្ញុំដើរថ្មើរជើងនៅតាមផ្លូវទៅកាន់សណ្ឋាគារស្នាក់នៅ។

ខ្ញុំមិនហត់ឡើយចំពោះការដើរថ្មើជើងមកកាន់សណ្ឋាគារដែលត្រូវស្នាក់នៅ។  គ្រាន់តែមកដល់សណ្ឋាគារភ្លាម! លោកអើយ! ខ្ញុំសម្លឹងពីលើសណ្ឋាគារទៅ ក៏ឃើញសុទ្ធតែដើមឈើពណ៌បៃតងត្រជាក់ភ្នែក និងមានអារម្មណ៌ចង់ស្នាក់នៅអោយបានកាន់តែយូរកាន់តែល្អ។ ហុី! អារម្មណបែបនេះ ខ្ញុំមិនដែលបានទទួលទេ នៅពេលទៅដើរលេងកំសាន្ត ឫ ទៅចូលរួមប្រជុំនៅប្រទេសអាស៊ានដទៃទៀត និងសូម្បីតែប្រទេសជឿនលឿនមួយចំនួននៅអាសុី។

ខ្ញុំសូមសរសើរអ្នករៀបចំទីក្រុងសាំងហ្គារពួរដែលគិតគូរខ្ពស់ពីបរិស្ថាន និងធ្វើអោយប្រជាជនស្រលាញ់បរិស្ថាន​ទោះបីជាពួកគេរស់នៅក្នុងអាគារខ្ពស់ក៏ដោយ។ ប្រទេសសាំងហ្គាពួរ  ក៏ជាប្រទេសមួយក្នុងចំណោមប្រទេសទាំង៥លើលោក ដែលមានប្រជាជនមានសុខភាពល្អជាងគេ។(សូមចុចត្រង់នេះ ដើម្បីមើលប្រទេសទាំង៥)

គិតមកដល់ត្រឹមនេះ ដល់ពេលត្រូវហូបអាហារហើយ! តោះទៅសាកម្ហូបសាំងហ្គាពួរទាំងអស់គ្នា! កុំភ្លេចមកលេងសាំងហ្គារពួរណា ដើម្បីទទួលបានអារម្មណ៌រស់នៅជាមួយធម្មជាតិដូចខ្ញុំដែរ!

ទិន្នន័យខ្លះៗពីប្រទេសសាំងហ្គាពួរ (ពី Wikipedia, 06-06-17)
ចំនួនប្រជាជន     ៖ 5,607,300 នាក់
ផ្ទៃក្រឡា             ៖ 719.1 គីឡូម៉ែត្រការេ
ភាសា                 ៖ អង់គ្លេស ម៉ាឡេ ចិន តាមិល       

ដោយ៖ វឌ្ឍនៈភាព

ចែករំលែកក្តីស្រឡាញ់ជាមួយ Power+

តើគួរធ្វើយ៉ាងណា ក្នុងករណីគ្មានអ្នកទិញទំនិញរបស់អ្នក?

អ្នកបានកំណត់តម្លៃលក់ផលិតផលរបស់អ្នកដោយបានបញ្ចូលប្រាក់ចំណេញចូលទៅក្នុងថ្លៃលក់នោះ។ ប៉ុន្តែតម្លៃដែលអ្នកគិតថាសមនឹងលក់លើទីផ្សារនោះ គឺជាតម្លៃដែលអតិថិជនភាគច្រើនមិនអាចទទួលយកបាន។ ជាលទ្ធផល ផលិតផលរបស់អ្នកមិនមានអ្នកណាត្រូវការទេ!

តើអ្នកគួរធ្វើយ៉ាងណា? សូមអ្នកពិចារណាលើជម្រើសដូចតទៅនេះ៖

១. បញ្ចុះតម្លៃ 

បញ្ចុះតប្លៃក្នុងកំរិតមួយដែលអ្នកនៅតែចំណេញ គ្រាន់តែមិនសូវចំណេញច្រើន។ អ្នកជំនួញភាគច្រើន បានដឹងពីយុទ្ធសាស្រ្តបែបនេះ ប៉ុន្តែអ្វីដែលសំខាន់ គឺត្រូវស្វែងយល់ពីគោលបំណងដែលអ្នកប្រើប្រាស់យុទ្ធសាស្រ្តនេះ។ អ្នកគួរប្រើប្រាស់យុទ្ធសាស្រ្តនេះ នៅពេលអ្នកចង់អោយអតិថិជនស្គាល់ផលិតផលរបស់អ្នក មុននឹងអ្នកវាយលុកទីផ្សារ។ ប្រសិនបើអ្នកយល់ថាការបញ្ចុះតម្លៃត្រង់ៗបែបនេះ ធ្វើអោយគេយល់ថាផលិតផលអ្នកអាចអន់ អ្នកអាចប្រើប្រាស់រូបភាពបញ្ចុះតប្លៃមួយទៀត គឺ ទិញ ២ ថែម ១ ។ល។ 

អ្នកគួរកំណត់ពេលវេលាច្បាស់លាស់ ថាតើពេលណាគួរលក់ក្នុងតម្លៃធម្មតាវិញ?

២. បង្កើនតម្លៃ 

អ្អ្នកប្រហែលជាងឿយឆ្ងល់ថា បើលក់មិនដាច់ម៉េចក៏បង្កើនតម្លៃទៅវិញ។ អ្នកអាចកំណត់ថា អ្នកត្រូវចាប់យកអតិថិជនជាន់ខ្ពស់ ឫអតិថិជនកាលីប។ ប៉ុន្តែអ្នកត្រូវចំណាយលើការផ្សព្វផ្សាយ ពីគុណប្រយោជន៌នៃផលិតផលរបស់អ្នក និងពីគុណភាពខ្ពស់នៃផលិតផលរបស់អ្នក។ អ្នកគួរប្រើប្រាស់យុទ្ធសាស្រ្តតម្លៃបែបនេះ នៅពេលអ្នកកំណត់ចំណែកទីផ្សារយ៉ាងច្បាស់លាស់ថា ចំណែកទីផ្សារមួយណាជារបស់អ្នក។ ប្រសិនបើអ្នកមិនអាចកំណត់ថា

ចំណែកទីផ្សារមួយណាជារបស់អ្នកទេ ចូរអ្នកកុំប្រើប្រាស់យុទ្ធសាស្រ្តនេះអោយសោះ។

អ្នកត្រូវប្រុងប្រយ័ត្នអោយបានខ្ពស់ ពីព្រោះពីមុនអ្នកលក់តម្លៃទាប ប៉ុន្តែឥឡូវអ្នកលក់ក្នុងតម្លៃខ្ពស់វិញ។ ក្នុងហេតុផលជាច្រើន អ្នកអាចលើកយកហេតុផលថា ដោយសារក្រុមហ៊ុនទើបតែសម្ភោធទើបពីមុនលក់ក្នុងតម្លៃទាបជាងនេះ ឫដោយសារពីមុនឋិតក្នុងកំឡុងពេល Promotion ។ល។

៣.ឈប់លក់ផលិតផលនេះ​

ឈប់លក់ផលិតផលនេះទាំងស្រុង ពីព្រោះអ្នកយល់ថាវានឹងខាតបង់ច្រើនទាំងនៅពេលនេះ និងទាំងនៅពេលអនាគត។​ អ្នកប្រហែលជាមិនអាចទទួលយកជម្រើសនេះបានទេ ពីព្រោះអ្នកជឿជាក់លើគោលការណ៌ "មិនត្រូវបោះបង់" (Never Give Up) ។ ប៉ុន្តែសូមអ្នកគិតជាមួយខ្ញុំបន្តិច អ្នកមិនបានលះបង់អាជីវកម្មទេ តែអ្នកលះបង់ផលិតផលដែលមិនដំណើរការ ហើយងាកទៅរកផលិតផលដែលអ្នកអាចនឹងចំណេញនាពេលអនាគតវិញ បើទោះបីជាអ្នកមិនអាចចំណេញឥឡូវនេះក៏ដោយ។ ដូចនេះ ឈប់លក់ផលិតផលមួយ មិនមានន័យថា​ ឈប់រកស៊ីនោះទេ។

៤.លក់តម្លែដដែរតែធ្វើអោយផលិតផលខុសប្លែកពីគេ

​
អ្នកអាចលក់ផលិតផលដូចគ្នាបេះបិតទៅនឹងផលិតផលរបស់ដៃគូរប្រកួតប្រជែង។ តើអ្នកគួរធ្វើយ៉ាងណាដើម្បីអោយខុសប្លែកពីគេ?

អ្នកអាចបន្ថែមសេវាដឹកជញ្ជូនទាន់ចិត្តដល់អតិថិជន ដូរផលិតផលដែលអតិថិជនមិនពេញចិត្ត ឫដូរផលិតផលជាមួយនឹងផលិតផល ឫមានបុគ្គលិករាក់ទាក់ពន្យល់ភ្ញៀវលម្អិតពីផលិតផល។ល។ 

មួយទៀត អ្នកអាចប្រាប់អតិថិជនដោយស្មោះត្រង់ថា ផលិតផលរបស់អ្នកនាំចូលផ្ទាល់ពីរោងចក្រដើមពីប្រទេសជប៉ុន ប្រទេសកូរ៉េ ។ល។ 

ដូចនេះ អ្នកអាចដឹងហើយថា បើទោះបីជាអ្នកលក់ផលិតផលដូចគ្នាបេះបិតទៅនឹងផលិផលរបស់ដៃគូរប្រកួតប្រជែងក៏ដោយ ក៏អ្នកនៅតែអ្នកធ្វើអោយផលិតផលរបស់អ្នកខុសប្លែកបានដែរ។ សូមចងចាំថា ប្រសិនអ្នកគិតថា អ្នកអាចធ្វើបាន នោះអ្នកនឹងអាចធ្វើបាន។

ដោយ៖ វឌ្ឍនៈភាព

​

សូមផ្តល់មតិយោបល់លោកអ្នកចំពោះអត្តបទខាងលើ ដោយសរសេរមតិលោកអ្នកក្នុងប្រអប់ Comments ខាងក្រោម។ សូមអរគុណ។  

បណ្តុះអោយក្លាយជាបុគ្គលិកឆ្នើមផ្នែកគណេន្យ និងហិរញ្ញវត្ថុ

អ្នកទើបតែបញ្ចប់បរិញ្ញាបត្រ គួររៀនបន្ថែមជំនាញបីទៀតដើម្បីបង្កើនឱកាសការងារ

វាជាការបង្កើតឱកាសការងារ​ នៅពេលអ្នកបញ្ចប់ការសិក្សានៅមហាវិទ្យាល័យ។ ប៉ុន្តែដើម្បីបង្កើនឱកាសការងារ អ្នកគួរពិចារណាលើជំនាញ៣បន្ថែមទៀត ដើម្បីអ្នកអាចនឹងឆាប់ទទួលបានការងារ។

១. ជំនាញកុំព្យូទ័រ

អ្នកត្រូវជាក់ច្បាស់ថា យ៉ាងហោចណាស់អ្នកក៏អាចប្រើប្រាស់កម្មវិធីដូចជា Microsoft Word, Excel បានយ៉ាងស្ទាត់ជំនាញ។ បន្ថែមលើសនេះទៀត អ្នកត្រូវចេះប្រើប្រាស់ អីុនធឺណេត អីុម៉ែល ប្រព័ន្ធសង្គមមួយចំនួនដែលមានដូចជា Facebook, WeChat, Line ​ដែលក្រុមហ៊ុនប្រើប្រាស់ដើម្បីផ្សព្វផ្សាយពីផលិតផល ឫព័ត៌មានលម្អិតរបស់ខ្លួន។ ប្រសិនបើការងារអនាគតរបស់អ្នក គឺជាគណនេយ្យករ នោះអ្នកត្រូវរៀនកម្មវិធីគណនេយ្យកុំព្យូទ័រដែលមានដូចជា QuickBook, Peachtree ។ល។

 ២. ជំនាញទំនាក់ទំនង
មិនថាអ្នករៀនពូកែប៉ុណ្ណាទេ ប្រសិនបើអ្នកមិនពូកែទំនាក់ទំនងទេ អ្នកអាចនឹងមិនមានឱកាសច្រើនសំរាប់ខ្លួនឯង។ ទំនាក់ទំនងល្អធ្វើអោយអ្នកដទៃចូលចិត្តអ្នក បង្កើតឱកាសអោយអ្នក និងធ្វើអោយអ្នកដទៃទទួលស្គាល់សមត្ថភាពរបស់អ្នក។ ម៉្យាងវិញទៀត ទំនាក់ទំនងល្អនឹងជួយអ្នកទទួលបានជោគជ័យនៅពេលសម្ភាសន៏ការងារ។

អង្គភាពឫក្រុមហ៊ុន តំណាងអោយការងារជាក្រុម​

៣. ជំនាញផ្សេងទៀតដែលអាចអោយអ្នកយល់ពីការអនុវត្តជាក់ស្តែង

ការបំប៉នបន្ថែមលើចំណេះដឹងដែលមានស្រាប់ អាចជួយអោយអ្នកស្វែងយល់ពីការអនុវត្តជាក់ស្តែងពីការងារដែលអ្នកកំពុងស្វែងរក។ តើអ្នកអាចទទួលបានជំនាញប្រភេទនេះពីណាមក? អ្នកអាចចូលរួមវគ្គបណ្តុះបណ្តាលខ្លីៗដោយវាគ្មិនដែលមានបទពិសោធន៌ជាក់ស្តែង ឫអ្នកអាចចូលបំរើការជាអ្នកហាត់ការ (intern) ឫ ជាអ្នកស្ម័គ្រចិត្ត (Volunteers) នៅតាមក្រុមហ៊ុននានា។ ការធ្វើបែបនេះ នឹងបង្កើនឱកាសដែលក្រុមហ៊ុនទទួលយកអ្នកមកធ្វើការជាបុគ្គលិកនៅពេលសម្ភាសន៌ការងារ ពីព្រោះ នៅពេលកំពុងសម្ភាសន៌ការងារ អ្នកអាចនិយាយបានពីរបៀបធ្វើការជាក់ស្តែង បើទោះបីជាអ្នកមិនមានបទពិសោធន៌ជាក់ស្តែង ឫបទពិសោធន៌ជាក់ស្តែងតិចតួចក៏ដោយ ដោយសារក្រុមហ៊ុនដែលសម្ភាសន៌អ្នកយល់ថា អ្នកជាមនុស្សដែលក្រុមហ៊ុនអាចបណ្តុះអោយចេះធ្វើការបានលឿន។

ដោយ៖ កូនខ្មែរ

សូមផ្តល់មតិយោបល់លោកអ្នកចំពោះអត្តបទខាងលើ ដោយសរសេរមតិលោកអ្នកក្នុងប្រអប់ Comments ខាងក្រោម។ សូមអរគុណ។  

ចែករំលែកក្តីស្រឡាញ់ជាមួយ Power+